Wednesday, February 28, 2007

ஐயோ! மண்டை காயுதே!

இதை படிக்கிற உங்களுக்கும் மண்டை காயும். மண்டை காயுதேன்னு டாக்டர் கிட்ட போனீங்கன்னா அவரு மருந்துக்கு பதிலா ஒரு பாட்டில் சாராயம், ஒரு கட்டு கீரை, ஒரு கிலோ காப்பிக்கொட்டை, ஒரு கிலோ சாக்லேட், ஒரு கட்டு பீடி, ஒரு பாட்டில் கரிசலாங்கண்ணி ஜூஸ் தருவாரு.
ஒரு சில டாக்டர்கள் உங்க நெத்தியிலே பொட்டு வெச்சு உங்க கையில தாயத்து கட்டி வேப்பிலை அடிச்சாலும் அடிக்கலாம்.

நான் சொல்றது ஒண்ணுமே புரியலியா? என்ன பண்றது? நேரம்யா நேரம்.
இந்த medical/health research பண்றேன்னு ஆளாளுக்கு research பண்ணி, result publish பண்ணி நம்ம மாதிரி மக்களை பைத்தியம் பிடிச்சு பாயை சுரண்ட வெக்கறாங்க.

சரி விஷயத்துக்கு வரேன்.

இன்றைக்கு படித்த செய்தி - Denmark ல் ஒரு group research பண்ணி வெளியிட்ட செய்தியின் படி: Antioxidant, Beta Carotene, Vitamin A, Vitamin B supplement இதுகளினால் ஒரு பயனும் கிடையாதாம். அதை விட மோசம் என்னதுன்னு கேட்டா, இந்த supplement எல்லாம் சாப்பிட்டா "பூட்ட கேஸ்" அப்படீன்னு வேற சொல்றாங்க. அதுல என்ன விசேஷம்னா, Beta Carotene
supplement சாப்பிட்டா புகை பிடிக்கிறவங்களுக்கு lung cancer வேறு வருமாம். இப்படி research பண்ணி result வெளியிட்டு நிறைய பேருக்கு வயிற்றெரிச்சல் உண்டாக்கியிருக்காங்க. முக்கியமா, டப்பா டப்பாவா வைடமின் supplement அடுக்கி வைத்திருக்கும் கடைகளுக்கு இந்த செய்தி ஷாக்கா இருக்கும்.

இப்படித்தான் research பண்றேன் பேர்வழின்னு research பண்ணுவாங்க - இதை சாப்பிட்டா அந்த வியாதி வரும் அப்படீம்பாங்க. அடுத்த வருஷம் அதை சாப்பிடுங்க வந்த வியாதி சரியாகி விடும் அப்படீன்னுவாங்க. மக்களும் பறந்தடிச்சுக்கிட்டு ஓடி வாங்குவாங்க. உடனே அடுத்த வருஷம் ஓ அந்த மருந்தா? அதை சாப்பிட்டா வேற வியாதி வரும் அப்படீன்னுவாங்க.
மருந்து பொருட்கள் மட்டுமில்லை. பல உணவுப்பொருட்களும் இப்படித்தான்.

காபி சாப்பிட்டா blood pressure அதிகமாகும்னு அந்த கால டாக்டர்களிலிருந்து நம்ம சினிமா டாக்டர் வீரராகவன் வரை சொன்னது நமக்கு தெரியும். இப்போ என்னடான்னா தினமும் காபி குடிச்சா உடம்புக்கு நல்லது அப்படீங்கறாங்க.

மது குடிக்காதீங்க. 'குடி குடியை கெடுக்கும்' அப்படீன்னு சொன்னாங்க. இப்போ என்னடான்னா தினமும் காலையிலும் மாலையிலும் மது குடியுங்க மது அருந்தினால் உடம்புக்கு நல்லது அப்படீன்னு சொல்றாங்க.

அடுத்தது - சாக்லேட், கோக்கோ சாப்பிட்டா கொழுப்பு (body fat) அதிகமாகும்னு சொன்னவங்க இப்போ சாக்லேட் சாப்பிட்டா கேன்ஸர் வராது, ஹார்ட் அட்டாக் வராது அப்படீன்னு சொல்றாங்க.

இது மாதிரி பல. போதாதற்கு Atkin's diet, South Beach diet இத்யாதி வேறு.
இப்படி ஆளாளுக்கு மாத்தி மாத்தி சொல்றாங்க. சில பேர் result, analysis data தப்பு அப்படீங்கிறாங்க. ஆனா, இதையெல்லாம் கேட்டுக்கிட்டு இருக்கிற மக்கள் தான் பைத்தியம் பிடிச்சு பாயை சுரண்டறாங்க.

இன்னும் சிகரெட் ஒண்ணு தான் பாக்கி. இன்னும் கொஞ்ச நாளில் 'சிகரெட் பிடிங்க - உடம்புக்கு நல்லது' அப்படீன்னு சொல்லுவாங்க போலிருக்கு.

என்னென்னவோ advertisement எல்லாம் தோணுது:

"உங்கள் குழந்தை ஆரோக்கியமாக வளர காலையிலும் மாலையிலும் ஒரு கப் காபி குடுங்க"

"ஒரு தில்லானா ஆடிட்டு கப்புனு 4 பெக் அடிச்சா ஆடின களைப்பெல்லாம் பறந்திடும்"

"கலக்க வேண்டாம் பாட்டிலோட அப்படியே குடிப்பேன்"

நம்ம திருவள்ளுவர் உயிரோடு இருந்தால் அவரைக்கூட மாற்றி -
"தம் அடித்து வாழ்வாரே வாழ்வார் மற்றெல்லாம் தம் இன்றி சாவார்" என்று சொல்ல வைத்து விடுவார்கள் போலிருக்கு.

போகும் போக்கைப்பார்த்தால், மருந்து கம்பெனிகளும், டாக்டர்களும் கறிகாய் மண்டி, ஒயின் ஷாப், சிகரெட் கடை அப்படீன்னு திறந்திடுவாங்க போலிருக்கு.

இந்த பதிப்பை படித்துவிட்டு சுரண்டுவதற்கு பாய் வாங்க ஓடுவீங்கன்னு நினைக்கிறேன்! பாய்! பாய்!

Saturday, February 24, 2007

பித்தனின் கிறுக்கல்கள் - 6

பித்தனின் ஆறாவது கிறுக்கலைப் படிக்க இங்கே க்ளிக்கவும்.
http://pkirukkalgal.blogspot.com/2007/02/6.html
- பித்தனின் கிறுக்கல்கள் தொடரும்.
piththanp@gmail.com

Thursday, February 22, 2007

பொங்கல் விழா பற்றி உங்கள் கருத்து

சென்ற சனிக்கிழமை நடந்த பொங்கல் விழாவுக்கு நீங்களும் வந்திருந்தீர்கள்தானே? அது குறித்து உங்களின் கருத்து என்ன என்று கீழே பின்னூட்டத்தில் எழுதினால் நன்றாக இருக்கும். விழாவில் உங்களுக்கு பிடித்தது என்ன, பிடிக்காதது என்ன, நீங்கள் பார்க்க விரும்புவது என்ன என்று எழுதினால், எங்களுக்கு அடுத்த விழாவை இன்னும் மிகச் சிறப்பாக நடத்த முயல்வோம். உங்கள் கருத்தை தமிழிலோ அல்லது ஆங்கிலத்திலோ பின்னூட்டமிடவும்(அதாங்க கமெண்டு...)


Hope you attended the saturday's pongal cultural program and enjoyed it. If you give us your feedback on the program in the comments, it will help us plan the next program better. Please let us know what you liked about it, what you didn't like and the kind of programs you would like to see in a RTS function in the future. You can write in English. And you can be anonymous too.

Monday, February 19, 2007

உங்கள் கணிணியை பாதுகாப்பது எப்படி - 3

வைரஸ்களின் வகைகள்:

மேக்ரோ வைரஸ்:
மேக்ரோ என்பவை கணிணியில் பயன்பாட்டு மென்பொருள்கள் தங்களை நுணுக்கமாகப் பயன் படுத்திக் கொள்ள பயன்பாட்டாளர்களுக்கு கொடுத்த வசதி ஆகும் .மைக்ரோசாப்டின் ஆபிஸில் உள்ள விசுவல்பேசிக்பார்அப்ளிகேசன் மூலம் எழுதப்படும் மேக்ரோ மூலம் மைக்ரோசாப்டின் ஆபிஸில் பல வேலைகளை தானாக நாம் செய்ய வைக்க முடியும் . இந்த வசதியைத் தான் வைரஸ் எழுதுபவர்கள் தவறாக பயன் படுத்திக் கொள்கிறார்கள். இந்த மாதிரி மேக்ரோ மூலம் எழுதப்படும் வைரஸ்கள் மேக்ரோ வைரஸ்கள் என அழைக்கப் படுகின்றன. மேக்ரோ வைரஸ் உள்ள பைலை நாம் இயக்கினால் மட்டுமே நம் கணிணியை இவை தாக்கும் .
அதனால் தெரியாதவர்களிடமிருந்து வரும் பைலை இயக்காதீர்கள். இவ்வகை வைரஸ் உள்ள பைல்கள் கவர்ச்சிகரமான வாசகங்களுடனே வரும் . மயங்கி தட்டி விட்டால் அவ்வளவுதான்.. மிகப் புகழ் வாய்ந்த மெலிஸா வைரஸ் எழுதப் பட்ட 3 நாளிலேயே 100,000 கணிணிகளை தாக்கியுள்ளது.

நினைவகத்தில் தங்கும் வைரஸ்:
இந்த வகை வைரஸ்கள் முதலில் இயக்கப் பட்டவுடன் நம் கணிணியின் நினைவகத்தில் தங்கிக் கொள்ளும். பின்னர் இயக்கப் படும் ஒவ்வொரு புராகிராமிலும் தன் பிரதியை பரப்பிக் கொண்டு இருக்கும்.

பைல்சிஸ்டம் வைரஸ்:
இந்த வகை வைரஸ்கள் இயக்கப் படும் ஒவ்வொரு பைலிலும் தன் பிரதியை பரப்பிக் கொண்டு இருக்கும்.

பூட் வைரஸ்:
கணிணி இயங்க அத்தியாவசமான மென்பொருள்கள் எல்லாம் கணிணியில் டிஸ்கில் பூட் செக்டார் எனப்படும் பகுதியில் இருக்கும் . இவ்வகை வைரஸ்கள் பூட் செக்டரை பாதிப்பதன் மூலம் ஒவ்வொரு கணிணி இயங்கும் போதும் ( அல்லது பிளாப்பியை அணுகும் போதும்) செயல்படத் துவங்கும் வண்ணம் தம்மை நிறுவிக் கொள்ளும் .

மல்ட்டி பார்டைட்:
இவை மிகச் சாமார்த்தியமாக வடிவமைக்கப்பட்ட வைரஸ்கள். மேலே சொன்ன மூன்று வழிகளிலும் செயல்படக் கூடியவை.

வார்ம் :
மெயிலில் உள்ள அட்டாச்மெண்ட் வசதி மூலம் பரவக்கூடிய வைரஸ்கள் வார்ம். இவை அந்த அட்டாச்மெண்ட் உள்ள மெயிலை யாராவது படிக்கையில் அவரது கணிணியை தாக்கி விடும். பிறகு அவரது சிஸ்டத்தில் உள்ள அட்ரஸ்களைத் திருடி அவர்களுக்கும் அந்த மெயிலை அனுப்பிவிடும் . பின்பு இதேச் சுற்று துவங்கும்.

டிரோஜன் குதிரை:
அந்த கால கிரேக்க இதிகாசத்தில் ஒரு சம்பவம் வரும். ஒரு அழகியை (ஹெலன்) டிராய் தீவுக்காரர்கள் கடத்தி விட டிராய்க்கும் கிரீஸுக்கும் சண்டை மூண்டு விடும் . பல வருடங்கள் ஆகியும் கிரேக்கர்களால் டிராயை தகர்க்க முடியவில்லை. பின் ஒரு சதி செய்தனர். ஒரு பெரிய மரக்குதிரையை செய்து உள்ளே ஒருசில வீரரை வைத்து அதை டிராயின் கோட்டை வாயிலில் விட்டுவிட்டு கிரேக்க வீரர்க்ள் மறைந்து விட்டனர் . மறுநாள் அதைப் பார்த்த டிராய் நகரத்தவர் அந்தக் குதிரையை நகருக்கு உள்ளே தள்ளி செல்ல , இரவில் மறைந்திருந்தவர் வெளியே வந்து மற்றவர்க்கு கதவைத் திறந்து விட கிரேக்கம் வென்றதாக வரும். இது எவ்வளவு உண்மையோ எனக்குத் தெரியாது. ஆனால் டிரோஜன் வைரஸ் இவை போலவேச் செயல்படும் . நல்ல மென்பொருள் போல் ஒன்றை வழங்குவதாக நடித்து ஒரு மென்பொருள் நமக்கு கிடைக்கும். அதை இயக்கினால் அதிலிருந்து டிரோஜன் கிளம்பும். அந்த நல்ல மென்பொருளாக நடிப்பதையே டிராப்பர் என்று அழைக்கிறார்கள் .

வைரஸ் ஹௌக்ஸ்:
நடிப்பு திலகங்கள். இந்த மாதிரியான மெயில்கள் சில பைல்களின் பெயரைக் குறிப்பிட்டு அவை எல்லாம் வைரஸ் எனவும் , அவற்றை நீக்கும் படியும், மெயிலை பலருக்கும் அனுப்பும்படியும் வரும் . பின்னர் பார்த்தால் நாம் நீக்கிய பைல் எல்லாம் கணிணிக்கு தேவையான பைல்கள் எனத் தெரிய வரும் .
எப்படி ஹௌக்ஸ் அடையாளம் காண்பது? - இம்மாதிரி மெயில்கள் வந்தால் உடனே கூகுளில் சர்ச் இடுங்கள், http://www.f-secure.com/virus-info/hoax/ பாருங்கள்.

அன்புடன் என்ற கூகுள் குழுமத்தில் திரு. சுரேஷ்பாபு அவர்கள் எழுதிய தொடர் இது. இந்த வலைப்பதிவில் அவருடைய தொடரை வெளியிட அனுமதி கொடுத்ததற்கு சுரேஷுக்கு மிக்க நன்றி.

-தொடரும்.

சுட்ட பழங்கள் - 1

நபர் 1: நம்ம தலைவருக்கு பொருளாதாரத்தைப்பற்றி ஒண்ணுமே
தெரியலியே!
நபர் 2: ஏன்?
நபர் 1: பண வீக்கத்தை குறைக்க "அயோடெக்ஸ்" தடவலாம்னு
பேசியிருக்காரு

கல்யாண சர்வர்: என்னப்பா நீ போன பந்தியிலும் சாப்பிட்டியே!
என்னை ஏமாத்த முடியாது! எனக்கு ஞாபக சக்தி ஜாஸ்தி
சாப்பிடுபவர்: என்னங்க செய்யறது, எனக்கு ஜீரண சக்தி ஜாஸ்தி

நபர் 1: உங்க மாமா Delhi க்கு போனாரே அங்கே என்னவா இருக்காரு?
நபர் 2: அங்கேயும் என் மாமாவாகத்தான் இருக்காரு

Saturday, February 17, 2007

லொள் லொள்

நாய் கடிச்சா ஊசி போடலாம்
செருப்பு கடிச்சா மருந்து போடலாம்
மனுஷன் கடிச்சா டைப் அடிச்சு ப்ளாகில் போடலாம்

Monday, February 12, 2007

உங்கள் கணிணியை பாதுகாப்பது எப்படி - 2

வைரஸ்கள் பற்றிய விளக்கங்கள்.

வைரஸ் என்றால் என்ன?
மற்றவரின் கணிணியை பாதிக்க வேண்டும் என்ற தீய நோக்குடன் எழுதப் படும் புரோகிராம்களே வைரஸ்கள் ஆகும்.


யார் வைரஸ்களைத் தூண்டி விடுவது?
ஒரு புரோகிராமில் வைரஸ் உள்ளது என்பதை அறியாமல் இயக்கும் யாரும். வைரஸ்களைத் தம்மை அறியாமல் தூண்டி விடுகின்றனர். முதலில் தூண்டப்பட்டவுடன் வைரஸானது தன்னைத் தானே பல பிரதிகள் எடுத்துக் கொள்ளும் வழிமுறைகளில் இறங்கிவிடும் . பிறகு பரவுதல் மற்றும் பாதித்தலைத் துவங்கும்.


வைரஸ்களினால் ஏற்படும் பாதிப்புகள்:
ஜோக்ஸ் அல்லது வன்டலிசம் :
இவை கணிணியில் விதவிதமான அலர்ட்களை கொடுக்கும். உதாரணமாக உங்கள் கணிணியில் ஐஸ்வர்யா ராயின் அழகான படத்துடன் ஐஸ்வர்யா ராய்க்கு ஒரு ஓ .. போடுங்கள் என்பது போன்ற அலர்டுகள் வரலாம். இப்படி வந்தால் சந்தோசப் படாதீர்கள். உங்கள் கணிணி ஒருவித வைரஸால் பாதிக்கப் பட்டு விட்டது என்று அர்த்தம் .

தகவல் (டாடா ) பாதிப்பு:
வைரஸ்கள் உங்கள் கணிணியில் உள்ள பைல்களை அழித்து விடக்கூடியவை. சில மொத்த ஹார்ட் டிஸ்கையும் கூட அழித்துவிடக்கூடும்.

ஸ்பாம் வினியோகம்:
ஸ்பாம் என்பவை மொத்தமாக வியாபார நோக்கில் அனுப்பப் படும் மெயில்களைக் குறிக்கும். வைரஸ் பாதிக்கப் பட்ட கணிணியானது இது போன்ற ஸ்பாம்களை அதை உபயோகிப்பவருக்குத் தெரியாமலே அனுப்பும் படி செய்து விடுவார்கள். அல்லது பாதிக்கப் பட்ட கணிணியில் உள்ள அட்ரஸ் புக்கிலிருந்து அட்ரஸ்களைத் திருடி விடுவார்கள்.

தகவல் திருட்டு:
சில வைரஸ்கள் பாதித்தக் கணிணியில் இருந்து அதில் உள்ள தகவல்களை திருடி அனுப்பி விடும். இதனால் நமது அகவுண்ட்களின் பாதுகாப்பே கேள்விக் குறியாகிவிடும். மற்றும் நம் நற்பெயருக்கும் களங்கம் வந்து சேரும் .

ஹைஜாக்குகள்:
இந்த வகை வைரஸ்கள் தாக்கப்பட்ட கணிணியின் கட்டுப்பாட்டை எடுத்துக் கொள்ளக் கூடும். பிறகு அவர்களின் தீச்செயல்களுக்கெல்லாம் நம் கணிணியும் உடந்தை ஆகிவிடும். அவர்கள் ஏதாவது ஒரு சர்வரை மாஸ் அட்டாக் செய்ய நமது கணிணியை உபயோகப் படுத்தலாம் . நமது கணிணியை திருட்டு மென் பொருள்களை வினியோகிக்க உபயோகப் படுத்தலாம்.

கையூட்டு:
சில வைரஸ்கள் நம் கணிணியின் தகவல்களை முடக்கி விட்டு மீட்டுத் தர கையூட்டைக் கேட்கக் கூடும்.

வைரஸ் வினியோகம்:
சில வைரஸ் நம் கணிணியைப் பாதிக்கச் செய்து அதன் மூலமாக பிறருக்கு வைரஸை பரப்பும் வண்ணம் பாதிக்கும்.

அன்புடன் என்ற கூகுள் குழுமத்தில் திரு. சுரேஷ்பாபு அவர்கள் எழுதிய தொடர் இது. இந்த வலைப்பதிவில் அவருடைய தொடரை வெளியிட அனுமதி கொடுத்ததற்கு சுரேஷுக்கு மிக்க நன்றி.

-தொடரும்.

Saturday, February 10, 2007

கடுப்போ கடுப்ஸ் - 4

நபர் 1: அந்த ஹீரோ ஏன் கடுப்பா இருக்காரு?
நபர் 2: கதைப்படி ஹீரோ கடைசி ஸீன்ல ரோட்ல செத்துக்கிடக்கிறாராம்.
கடைசி ஸீன் தவிர மத்த ஸீனுக்கெல்லாம் டூப் போட்டுட்டாராம்
டைரக்டர்

நபர் 1: அந்த ஹீரோ ஏன் கடுப்பா இருக்காரு?
நபர் 2: அவர் நடிச்ச படத்துலே ஐஸ்வர்யா ராய் கூட ஹீரோ நெருக்கமா
இருக்கிற 4 லவ் ஸீன் வருதாம். அந்த 4 ஸீன்களுக்கு மட்டும்
டைரக்டர் டூப் போட்டுட்டாராம்.

நபர் 1: அந்த நடிகர் ஏன் கடுப்பா இருக்காரு?
நபர் 2: டைரக்டர் நடிகர் கிட்ட "நீ இந்த படத்துல உண்டு" ன்னு சொன்னாராம்
நபர் 1: ஓ, அவருக்கு சான்ஸ் குடுத்தாரா?
நபர் 2: டைரக்டர் சான்ஸ் குடுத்தாரு, அவரும் நடிச்சாரு
நபர் 1: அப்புறம் என்ன கடுப்பு?
நபர் 2: அவர் நடிச்ச சீன்ல எல்லாம் அவருடைய ஸ்டில்
போட்டோவைத்தான் காட்டினாங்களாம்

நபர் 1: அந்த நடிகர் ஏன் டைரக்டர் கிட்ட கடுப்பா இருக்காரு?
நபர் 2: டைரக்டர், "நீங்க வர்ற ஸீன்ல எல்லாம் ஹீரோயின் உங்க
பக்கத்திலேயே இருப்பாங்க" அப்படீன்னாராம்
நபர் 1: அப்புறம் என்ன கடுப்பு?
நபர் 2: படத்துல ஹீரோயின் வீட்டு ஹாலில் அவர் ஸ்டில் போட்டோவை
மாட்டி, மாலை போட்டு ஹீரோயினோட செத்துப்போன
அப்பா ரோல் குடுத்துட்டாராம்.

நபர் 1: டைரக்டர் ஏன் ஹீரோயின் மேல கடுப்பா இருக்காரு?
நபர் 2: 10 மணிக்கு கால்ஷீட் குடுத்துட்டு 10:30 மணிக்கு வந்தாங்களாம்
நபர் 1: அரை மணி தானே லேட் - அதுக்கு என்ன?
நபர் 2: ஹீரோயின் கால்ஷீட் குடுத்தது நேற்று 10 மணிக்கு. இப்போ தான்
வர்றாங்க.

Wednesday, February 07, 2007

குழந்தைகள் இலக்கியம் (Fiction by Children)

ரிச்மண்ட் வாழ் சிறுவர் சிறுமியரின் எழுத்துக்களில் முதலாக பெருமையுடன் வழங்குகிறோம், பதினோரு வயது கார்த்திக் செட்டியின் கதையினை.

We proudly present a fiction from 11 year old Karthik Chetty as the first of fictions by Richmond kids.



The Forswarn
by Karthik Chetty

Chapter 1



Running. Running was all Tyran cared about. With deep painful breaths he zigzagged across the deserted desert plain. “Why are they here?” Thought Tyran. “They usually stay with that king of theirs. So-called king. King Ormis was a lazy oaf that lived to eat. Now, Ormis wasn’t as bad as his father, Murtagh the evil, the one who recalled the forsworn from the dead.” Then Tyran suddenly spotted a hole in the ground. He quickly jumped into it not a nanosecond too soon. Because just at that moment the group of masked riders leaped over the hole not even looking down. A shiver went down Tyran’s spine. He had actually seen the forsworn. Tyran looked behind him and found a door. Tyran went in without even caring who was inside.



Chapter 2

Inside the room Tyran found a bunch of people talking around a table. The expression was grim on almost all of their faces. He could feel the tension in the room. He noticed that they were not giving him any attention. Was it that they hadn’t noticed him yet or was it that they didn’t care if he lay crippled at their doorstep? He decided to ask “Who are you people?” “Rude question if you ask me. What a rude way to treat people that you hardly even know!” exclaimed one of the elders of the group. “Well for your information I think I know who you are. I think you are the resistance. The reason I think that is because I am the son of Brom founder of the resistance, and friend of the new leader, Eragon.” “Well, well, well. Look at little smarty-pants. Where did you learn all this?” Asked someone from the group. “Maybe if I told that I got chased by the forsworn all the way here, I wouldn’t need to do any explaining.” Tyran said. “What did you say!!?” said someone that Tyran recognized as Eragon. “Eragon?” asked Tyran. “Yes, yes, but we will have time for reunions later, now we have to make sure those people don’t know that we are here.” said Eragon.



Chapter 3

Tyran got a brief introduction of everyone there. There was Eragon, tall, strong and handsome. Then there was Rowan, short, fast, and kind. After him came Ryoe. She was the tallest of the group besides Eragon. After Ryoe, came Tyris.

Tyris was a bit unusual compared to all the others. It wasn’t something obvious, but…it was just weird. He had some type of camouflage technique because Tyran could hardly even see Tyris. Then Eragon said, “Ah, you have noticed Tyris’s talent.” Tyran immediately felt guilty. As if reading his mind, Tyris said “No need to feel guilty, everyone notices my talent.” “Sorry.” Tyran mumbled. After Tyris there was: Katrina, Araya, Nita, and Dairine. “Let’s get going!” said Eragon.



Chapter 4

By the time they had gotten to the only known hideout of the forsworn, they were all exhausted. They camped outside to regain their strength for the ambush attack the next day. Everyone slept with their swords next to their hands.

***

On the morning of the ambush, everyone was tense. Knives and swords were being sharpened. The braying of the horses was the wake up call to most people. The usual squeaking of the birds was absent this morning, observed Tyran. It is almost as if they know mass slaughter will take place on this very field. Then the dreaded sound, the sound of the war horn blew into Tyran’s ear like a bee attacking a predator. All the fighters gathered around the podium where Eragon was standing. “Their numbers are small. They range only a 100 fighters; the whole off Ormis’s army is here.” boomed Eragon. Yes, thought Tyran. We have 200 men. “But do not be overjoyed. Half our men are healers and trainers.” said Eragon warningly A few hours later they rode out into battle. At once the massive black gates opened revealing all the masked riders or the forsworn. “Charge!” bellowed Eragon. Everyone broke ranks and ran for the huge mass of black. As Tyran was running, he thought of his home and how the forsworn had destroyed it. This thought made his rage rise up inside him as if his rage were water boiling on an open kettle. He was so furious he ran right into the forsworn, sword swirling in the air. He slashed and he swirled as he watched lifeless bodies drop to the ground right in front of him. “We are going to lose.” thought Tyran. But he still kept on slashing through the ranks of the forsworn. After what felt like hours the battle finished. They had beaten the legendary Forsworn. After a quick search of the battlefield, they found out that only half of their forces had been killed. Most importantly one of the forsworn had not died. He had run of right after the battle had started. “We have to be prepared for more attacks from Ormis’s human army.” Eragon had told them. Another thing of importance was a blue sapphire. It was rumored to be one of the only two dragon eggs left. The other one must be in the pocket of the forsworn that escaped, thought Tyran. After a long day, Tyran took a nap and blocked all thoughts so he could rest.

இலக்கியப் போட்டி 2006!

2006ல் நடந்த இலக்கியப் போட்டியில் பங்கு கொண்ட குழந்தைகளின் கதை, கட்டுரைகளை இங்கு அளிக்கிறோம். தமிழில் எழுதிய ஹரிணி முரளிகிருஷ்ணனுக்கு எங்கள் பாராட்டுக்கள். கூடிய விரைவில் மற்ற ரிச்மண்ட் குழந்தைகள் எழுதியவற்றையும் இங்கே வெளியிட இருக்கிறோம். உங்கள் சிறுவர்களின் எழுத்தை இங்கே வெளியிட webmaster@richmondtamilsangam.org-க்கு அஞ்சல் அனுப்பவும்.



தீபாவளி பண்டிகை - ஹரிணி முரளிகிருஷ்ணன் (12 வயது)


தீபாவளி இந்துக்களின் மிக முக்கியமான பண்டிகை. தீபாவளியை மிக சந்தோஷமாக கொண்டாடுவார்கள். தீபாவளி அன்று வரிசையாக தீபம் ஏற்றுவார்கள்.தீபம் ஏற்றி சுவாமியை வேண்டிகொள்வார்கள். தீபாவளி பண்டிகைக்கு பின்னால் ஒரு கதை உண்டு. பகவான் கிருஷ்னன் நரகாசுரன் என்ற ராக்ஷசணை வதம் செய்த நாளை மக்கள் தீபாவளியாக கொண்டாடுவார்கள். தீபாவளிக்கு தயாராக வீட்டை clean panuvaargal. In addition, they buy themself nice clothes. Some indian kadaigaal sell festive items like gretting cards, decorative items, and flowers. Makaal usually shop at these stores. Celebrating Deepavali is the most exicting part! Kathaala, makaal wake up at 3:00 and take an oil bath. Then they dress in their new clothes. After everybody is dressed up, all children and adults go out and burn FIRECRACKERS! Later, they go inside and devour sweets and other types of food! All Hindus usually look forward to this fun and exicting occasion!


Acrostic Poems - Hari Parasu (10 years)

Bright colors
Is an excellent musician
Remains alert at all times
Deserves the best attention!

Found where there is water
Is mysterious and little-known
Some fish are very colorful
Hundreds of fish types exist!

Deinonychus hunted in packs.
Ichthyosaurus lived in the sea.
Nothosaurus looked like meat-eater and plant eater
Ouranosaurus had a sail to keep from overheating
Supersaurus was huge.
Allosaurus lived in the jungle.
Utahraptor had switchblade knife like claws.
Raptors lived in packs.


The Traveling Cheetah - Gautham Thiagarajan (8 years)

Once there was a cheetah that liked to travel. He traveled everywhere in the grasslands of Africa. But he had a problem he didn't have any friends. One day he was walking and he got lost in Egypt. An Egyptian vulture saw the cheetah and started flying over the cheetah. The cheetah was scared and started to run. The vulture swooped down and landed on cheetah's back. The cheetah was mad that he asked the vulture "Why are you following me ?". The vulture didn't say anything and just tugged the cheetah to a pyramid.

There was a cat at the entrance. The cheetah and the vulture just walked right past the cat. But the cat was following them. Then the cheetah growled at the cat then the cat screamed and the scream echoed on the pyramid which got the cheetah running all over the pyramid. The vulture had to fly fast and low. The cheetah dug a hole underground and stayed under and kept on digging so the vulture had to go in the hole. The cheetah dug until they were outside the pyramid. They kept on running until they got out of Egypt. They ran to the cheetah's home.

Once they wanted to go somewhere else but they got wound up in Egypt. They thought they were going to go to the pyramids again. But they went to Cairo the capital of Egypt. The cheetah and the vulture saw a ship and they got in the ship and started to play. The captain thought they were good to be in a zoo in America. All the passengers started to board the ship. Meanwhile the cheetah had just discovered the control room. The cheetah pressed a button and the steel rope uncurled itself. Just when the boat was moving the captain jumped on the ship. Then the cheetah pressed a button that had a picture of the American flag. The captain ran as fast as he could to the control room. Then he started to sail the ship. They finally reached America.

The moment the captain got off the ship he took them to his house. Then they escaped through the window. They ran to the a airport and went through the gate that had the picture of Egypt. They sat in the front seat and then the plane started moving. But the plane sank in the Atlantic Ocean. The cheetah and the vulture found a mini boat and rowed in the direction of the rising sun. They found themselves in West Africa. They ran back to cheetah's home. The cheetah and the vulture would never go on a adventure like that ever again.




Dinosaur Valley - Murari Parasu (7 years)

Triassic - Coelophysis the nine-foot long lizard goes near a lake. In a flash he is gone! A predator from the water tried to attack him! He runs to the forest and meets his friend the Eoraptor. They hunt the Riojasaurus

then go to their habitat in the forest. The Herrerasaurus comes and grabs the Riojasaur skull and into the forest he goes.

Jurassic- Dilophosaurus and Compsognathus hunt together in Jurassic forest. They go to the field with the Diplodocus and the Allosaurus. The Diplodocus starts rapping the Allosaurus. The Allosaurus attacks and the Diplodocus dies. Ceratosaurus sneaks upon the Dilophosaurus and Compsognathus, then the Ceratosaurus gets blasted.

Cretaceous – Velociraptor the fierce hunter and Deinonychus the close relative of the Velociraptor start slashing the clumsy Tyrannosaurus. The Tyrannosaurus falls on the ground dead. Parasaurolophus and Iguanodon are in the nesting grounds watching their babies. Maiasaura their close friend comes and feeds his babies. Oviraptor comes and takes the egg of the Maiasaura. Parasaurolophus blocks the Oviraptor from stealing the egg.

Velociraptor and Deinonychus go to the nesting grounds and make their cave. They make a nest to put their eggs and get some fresh grass to sit in. They make friends with the plant eaters. The two meat eaters don't let anything steal an egg from all the nests.

***** The End *****

Tuesday, February 06, 2007

உங்கள் கணிணியை பாதுகாப்பது எப்படி - 1

அன்புடன் என்ற கூகுள் குழுமத்தில் திரு. சுரேஷ்பாபு அவர்கள் எழுதிய தொடர் இது. இந்த வலைப்பதிவில் அவருடைய தொடரை வெளியிட அனுமதி கொடுத்ததற்கு சுரேஷுக்கு மிக்க நன்றி. இனி சுரேஷ் தொடர்வார்:


ைரஸ், ஸ்பாம் மற்றும் விசமத் தனமான புரோகிராம்களிடமிருந்து உங்கள் கணிணியை பாதுகாத்துக் கொள்ளுங்கள்.

முன்பெல்லாம் வைரஸ்கள் என்றாலே தீங்கு தரும் புரோகிராம்கள். நாம் அறியாமலே நம் கணிணியை அடைந்து நமது பைல்களை பாதிக்கும். என்ற விளக்கமே போதுமானதாக இருந்தது.

ஆனால், இன்றெல்லாம் இலக்கியத்தை புரிந்து கொள்வதைவிட கடினமானதாக வைரஸை புரிந்து கொள்வது ஆகிவிட்டது.

உங்கள் கணிணியில் உள்ள வைரஸை பற்றிய விளக்கம் பின்வருமாறு இருக்கலாம்.

" உங்க கணிணி ஒரு டிராப்பரால் பாதிக்கப் பட்டுள்ளது. அது ஒரு டிரோஜனை உங்கள் சிஸ்டத்தில் நிறுவக்கூடும். அப்படி நிறுவப்படும் டிரோஜன் ஒரு மல்ட்டி பார்டைட்டை உங்கள் சிஸ்டத்தில் நிறுவும். அந்த மல்ட்டி பார்டைட் உங்கள் ஹார்ட் டிஸ்க்கின் மாஸ்டர் பூட் ரெகார்டை பாதித்து உங்கள் ஹார்ட் டிஸ்கில் உள்ள அனைத்தையும் அழித்துவிடக்கூடும்."

என்ன இது ஒன்றுமே புரியவில்லை என்கிறீர்களா? கவலைப் படவேண்டாம் உங்களுக்காகத்தான் இந்த கட்டுரைத் தொடர்.

இந்தத் தொடரில்

1.வைரஸ் என்றால் என்ன? என்ன என்ன சிக்கல்களை வைரஸ்கள் விளைவிக்கக் கூடும்? வைரஸ்களின் தாக்குதலை எப்படித் தவிர்க்கலாம்?

2.ஸ்பைவேர் என்றால் என்ன? என்ன என்ன சிக்கல்களை ஸ்பைவேர்கள் விளைவிக்கக் கூடும்? ஸ்பைவேர்களின் தாக்குதலை எப்படித் தவிர்க்கலாம்? இந்த முறைகளைப் பயன்படுத்தினால் உங்கள் கணிணியின் வேகம் 30சதம் முதல் 50 சதம் வரை உயர்வதைக் காண்பீர்கள்.

3.ஹேக்கர்ஸ் யார்? என்னவற்றிற்கு முயல்வார்கள்? எப்படி இவர்களைச் சமாளிப்பது?

4.அடையாளத் திருட்டு மற்றும் பிஷிங் என்றால் என்ன? இவர்கள் எப்படியெல்லாம் வலை விரிப்பார்கள்? எப்படி இவர்களைச் சமாளிக்கலாம்?

5.ஸ்பாம் என்றால் என்ன? எப்படி ஸ்பாமைச் சுத்தம் செய்வது?

6.மொத்தத்தில் உங்கள் கணிணியை பாதுகாத்துக் கொள்ள நீங்கள் மேற்கொள்ள வேண்டி செய்ய வேண்டியவை?

போன்ற கேள்விகளுக்கு பதில் அளிக்க உள்ளேன்.

- சுரேஷ்பாபு


-தொடரும்.

என் ஆளுதான் எனக்கு மட்டும் தான்

இன்று கேள்விப்பட்ட ஒரு விசித்திரமான செய்தி. ஒரு விண்வெளி வீராங்கனை(Astronaut), Houstan, Texas ல் இருந்து Orlando, Florida க்கு 900 மைல் வந்தது தான். மூனுக்கே (Moon) சென்றவர் கேவலம் Florida க்கு போக முடியாதா என்று கேட்கலாம். ஆனால் அந்த திருமணமான மூன்று குழந்தைகளுக்கு தாயான அந்த பெண்மணி போனது ராக்கெட்டில் அல்ல - காரில். தன் முற்கால காதலனை வேறு ஒரு பெண் லவுட்டிக்கொண்டதை அறிந்து அப்பெண்ணை விரட்டிப்பிடித்து மிரட்ட இப்படி ஒரு ப்ளான். அதுவும் காரில் போகும் போது வழியில் இயற்கைக்கடன்களை கழித்து நேரம் வீணடிக்கக்கூடாது என்ற எண்ணத்துடன் டயப்பரை (Diaper) கட்டிக்கொண்டு விடாமல் (எதை) வண்டியை விட்டிருக்கிறார். ஆமாம் டயப்பருக்கு தமிழில் என்ன? டோவணம் தானே? ஓர்லாண்டோ ஏர்போர்ட் அடைந்து ஷட்டில் பஸ்ஸில் ஏறி அந்த பெண்ணை பின் தொடர்ந்து பார்க்கிங் லாட் வரை சென்றிருக்கிறார். அந்தப்பெண் தன்னை யாரோ தொடர்வதை அறிந்து காரில் ஏறி கதவை சாத்திக்கொண்டு விட்டாள். நம் பெண்மணி அழுது குளித்ததும் அந்தப்பெண் கார் கண்ணாடியை இறக்கியிருக்கிறாள். நம் பெண்மணி கையில் இருந்த மிளகாய் ஸ்ப்ரே யை (Pepper Spray) காருக்குள் அடித்திருக்கிறார். அந்தப்பெண் போலீஸைக்கூப்பிட போலீஸ் விண்வெளி பெண்மணியை கைது செய்திருக்கிறார்கள். அந்தப்பெண்மணியிடமிருந்து போலீஸ் பரிமுதல் செய்தவை என்னென்ன தெரியுமா? விக், மழை கோட், BB துப்பாக்கி, சுத்தியல், கத்தி, $600, கார்பேஜ் பைகள் இத்யாதி. இப்படியாக ஒரு ரோபாடிக்ஸ், எம் எஸ் படித்த விண்வெளி வீராங்கனை தன் முற்கால காதலனின் புதுக்காதலியை மிரட்டப்போய் மாட்டிக்கொண்டார்.

இதில் தெரிந்த மற்றொரு உண்மை - விண்வெளி வீரர்கள் ராக்கெட் takeoff - landing போது diaper அணிந்து கொள்ளவேண்டுமாம். வசதிதான்.

என் இளவயதில் நாங்கள் அடிக்கும் ஜோக் ஒன்று ஞாபகம் வருகிறது. "சாதாரண மனிதனுக்கும் Astonaut க்கும் என்ன வித்தியாசம்? சாதாரண மனிதன் 1க்கும் 2க்கும் தான் போவான் ஆனா Astonaut மூனுக்கே போவான்" இதையும் மாற்றி இப்போ மூனுக்கு டயப்பர் கட்டிக்கொண்டு போவான் என்று தான் சொல்லவேண்டும்.

இந்த டயப்பர் யுக்தி பிரபலமாக வழியிருக்கிறது. குறிப்பாக Long Distance ட்ரைவிங் செய்து வெகேஷனில் செல்லும் குடும்பங்களுக்கு அவசியம். நேரத்தில் கிளம்பி நேரத்தில் ஊர் போய் சேரவேண்டுமென்று விடிகாலையிலேயே வண்டியில் கிளம்பும் குடும்பங்களில் நடக்கும் பொதுவான பிரச்சனை ஒன்று. வண்டியில் ஏறி ஒரு மைல் சென்றவுடன் ஒவ்வொருவராக ஆரம்பிப்பார்கள் - "பாத்ரூம் போகணும்" என்று. அதில் என்ன வேடிக்கையென்றால் எல்லோருக்கும் ஒரே சமயத்தில் வராது. சந்தேகத்துக்கு நாமும் சென்று வேலையை முடித்து விடலாமே என்றும் தோணாது. ஒருவர் சென்று வண்டியை ஓரிரு மைல் ஓட்டிய பிறகு இன்னொருவருக்கு வரும். ஒவ்வொருவருக்காக நிருத்தி ஒரு வழியாக வண்டியை கிளப்பியவுடன் ட்ரைவருக்கு வயிற்றை கலக்கும். இதற்கெல்லாம் முடிவு கட்ட நம் பெண்மணி உபயோகித்த மாதிரி டயப்பர் தான் சரி. ஆனால் பயணம் முடிந்து ஹோட்டலில் போய் இறங்குவதாயிருந்தால் சரி. மாறாக உறவினர் வீட்டில் அல்லது நண்பர்கள் வீ ட்டில் போய் இறங்குவதயிருந்தால் பிரச்சனையே. படையோடு (எடையோடு) குடும்பமே இறங்கி நேரே பாத்ரூமுக்கு படையெடுத்தால் அவர்கள் வீடு நாறிவிடும்.

நன்றிக்கு நன்றி

நாகு,
நன்றிக்கு மிக்க நன்றி. இந்த தடவை "ஆயிரம் பொற்கும்பிடு" பரவாயில்லை - அட்ஜீஸ் பண்ணலாம். அடுத்த தடவை கண்டிப்பாக "ஆயிரம் பொற்காசுகள்" தர வேண்டும்.

நீங்கள் சொன்ன மாதிரி பித்தன், எதிரொலி, கவிநயா போன்ற ப்ளாகிகள் தமிழ்ச்சங்க ப்ளாகுக்கு ஜூட் விட்டு விட்டார்கள் போலிருக்கு. மற்றும் இடது சாரியில் பெயரை மட்டும் பதிவு செய்தவர்கள் மௌனம் வேறு சாதிக்கிறார்கள். இது ப்ளாகின் உடம்புக்கு நல்லதல்ல.
ப்ளாகிகளே! விழித்து எழுங்கள். பேனாவை - இல்லை இல்லை மௌசை கையில் பிடியுங்கள், கீபோர்டை தட்டுங்கள், எண்ணங்களை அலைய விடுங்கள், ப்ளாகை நிரப்புங்கள்.

Monday, February 05, 2007

கதை கேளு கதை கேளு

ஞாயிறன்று ரிச்மண்ட் வெள்ளித்திரையில் நான் கண்ட ஒரு தமிழ்த்திரைப்படத்தைப்பற்றி எழுதலாமென்று முற்பட்டேன். என்னடா நான் பட விமர்சனம் செய்யும் அளவுக்கு தமிழ் சினிமாவின் நிலை மாறிவிட்டதே என்று ஓரிருவர் பல்லைக்கடிப்பது கேட்கிறது. என்ன செய்வது? தமிழ்சங்க பிளாக் சில மாதங்களாக மிகவும் மந்தமாக இருக்கிறது. ஏதோ நம்மால் முடிந்த கைங்கர்யம். ஞாயிறன்று தலைக்கு மேல் வேலை இருந்தது. நிஜமாகவே நானும் என் மகனும் முடி வெட்டிக்கொண்டு பல வாரங்கள் ஆகின்றன. படம் பார்க்கப்போய் இந்த வாரக்கடைசியும் கோவிந்தா.எது எப்படியிருந்தாலும், ---ஏ போனாலும் தமிழ் பண்பாட்டைக்காப்பாற்றவேண்டும், நமது நண்பர் அரங்கேற்றும் படத்தைப்பார்க்கவேண்டும் என்ற கடமை உணர்வுடன் சென்றேன்.

அடடா, படத்தின் பெயரை சொல்லவில்லையோ? நமது இளைய தளபதி நடித்த "போக்கிரி" தான் அந்தப்படம். நம்ம "க்ரேட் டான்ஸர்" பிரபுதேவா இயக்கிய படம் என்பதை சொல்லவேண்டும். வழக்கமான தமிழ் படம் போல் இல்லாமல் ஒரு சில காட்சிகளும், வசனங்களும் என்னை மிகவும் கவர்ந்தன. முழு பட விமர்சனம் செய்ய இயலாது. அதனால் ஆங்காங்கே கோடிட்டுக்காட்டுகிறேன். மீதியை download செய்யாமல் DVD நம் பேட்டையில் ரிலீஸ் ஆன பிறகு பார்த்துக்கொள்ளவும்.

திருப்பதி, ஆதி, பரமசிவன், ஜாம்பவான், சிவகாசி என்று பக்திப்பெயர்களை வைத்துவிட்டு ஹீரோ வில்லன்களை பின்னியெடுக்கும் படங்களைப்பார்த்தநமக்கு "போக்கிரி" என்று சரியாக பெயர் வைத்து இது சண்டைப்படம் தான் என்று அப்பட்டமாக சொன்னது மிகவும் நல்லது. படத்தின் முதல் காட்சியே ஒரு underground parking lot ல் ஆரம்பமாகிறது. ஒரு பெண் "டக் புக்" என்ற செருப்பு சத்தத்துடன் காருக்கு சென்று ஏறுகிறாள்.என்னடா நமது ஜேஸன் ஸ்டாதம் நடித்த "ட்ரான்ஸ்போர்ட்டர்" போல ஆரம்பிக்கிறதே என்று எண்ணும் போது தடாலென்று ஒரு கொலையுண்ட ரத்தம் தோய்ந்த உடல் அந்தப்பெண்ணின் காரின் மேல் விழுந்து windshield ல் சரிகிறது. கொலையைப்பார்த்த அந்தப்பெண்ணும் பணால்.

புதிய போலீஸ் கமிஷனராக பதவியேற்கிறார் மொய்தீன் கான் (நமது 'விருமாண்டி' புகழ் மாவீரன் நெப்போலியன்).

இண்டர்நேஷனல் தாதா அலி பாய் (பிரகாஷ் ராஜ்).
அவர் கூட்டத்தைச்சேர்ந்தவர்கள் பட்டியல் - தனக்குப்போட்டி வந்துவிட்தே என்று அஞ்சும் ஒருவன்,
"நீ எப்போ கிடைப்பாய்", "நான் உன்னை வேட்டையாடுவது எப்போ" என்று "ஜொள்ளு" விட்டுக்கொண்டு அலையும் ஒரு "ஜேம்ஸ் பாண்டி" ரேஞ்சுக்கு வரும் ஒரு பார்ட்டி,
மொட்டை தலை ஆனந்தராஜ்,
பான் பீடா சவைத்து தன் ஆபீஸிலேயே துப்பும் "ஜொள்ளு" இன்ஸ்பெக்டர் (பெயர் ஏதோ **திவாரி என்று படித்த ஞாபகம் - அவர் நடிப்பு புதிதாக உள்ளது).
இவர்கள் எல்லோரும் சேர்ந்து செய்யும் அட்டூழியங்களைக்காட்டுகிரார்கள்.
இவர்களையெல்லாம் பின்னியெடுக்கும் "போக்கிரி"யாக வருகிறார் விஜய்.
இவரை காதலிப்பதா வேண்டாமா என்று குழம்பி காதலிக்கும் "அசின்". தலையில் சுமோ wrestler போன்ற கொண்டையுடன், விதவிதமான குங்பூ, கராத்தே, சுமோ காஸ்ட்யூமில் வந்து கூத்தடிக்கும் "சோடா பாடி" வடிவேலு. ஒரு காட்சியில் ஒரு ஆள் டீ குடித்துக்கொண்டிருக்கிறார். அவர் அருகில் வடிவேலு சென்று 'படார்' என்று -சு விட, saucer லிருந்து டீ பறக்கும் காட்சி பிரமாதம்.
அசின் தம்பியாக வரும் ஒரு "கொழுக் மொழுக்" அசினிடம் வம்பு செய்ய வரும் வில்லன்களை விஜயிடம் cell phone ல் பேசி லாவகமாக இருக்கும் இடத்தைத்தெரிவிக்கும் இடம் ஜோர். Cell phone களால் விளையும் பயன்களில் தலைசிறந்தது இது.

விஜய் போடும் ஸ்டண்ட்கள், பேசும் வசனங்கள், காமெடி காட்சிகள் புது விதமாக இருந்தது.

நான் ரசித்த சில காட்சிகள்:

1. ஒரு கும்பல் விஜயை துரத்திச்சென்று ஒரு warehouse க்கு செல்கிறது. கும்பலின் தலைவன் ஷட்டரை பூட்டி சாவியை எறிந்து விடுகிறான். பிறகு சண்டை. விஜய் எல்லோரையும் பின்னியெடுத்துவிட்டு கடைசியில் தலைவன் பக்கம் பார்க்கும் போது அவன் சுத்தியலால் ஷட்டரின் பூட்டை உடைத்து வெளியேறப்பார்க்கிறான். அப்போது விஜய் "சாவியை எறியாம இருந்திருக்கலாமில்லே?" என்று சொல்வது ஜோர்

2. விஜய் பிரகாஷ்ராஜை முதலில் சந்திக்கும் போது வரும் வசனங்கள்: பிரகாஷ்ராஜ்: உன்னை பார்த்தா ரௌடி மாதிரியே தெரியலியே - பக்கத்து வீட்டுப்பையன் மாதிரி இருக்கே
விஜய்: ஏன் உங்களைப்பார்த்தா கூட தான் எதிர்த்த வீட்டு மாமா மாதிரி இருக்கு

3. படம் முடிவில் விஜய் விடும் ஒரு குத்தினால் சில வினாடிகள் பிரகாஷ்ராஜின் காது மந்தமாகிவிடுகிறது. அப்போது எந்தவித சத்தமும் இல்லாமல் காட்சி சில வினாடிகள் நிசப்தமாக இருக்கிறது.

4. பிரகாஷ்ராஜை தூங்கவிடாமல் துன்புறுத்தும் போலீஸ் லாக்கப் காட்சி

மணி சர்மாவின் இசையில் சில பாடல்கள் நன்றாக உள்ளன. குறிப்பாக "வசந்த முல்லை", "மாம்பழமாம் மாம்பழம்", "ஆடுங்கடா என்னைச்சுத்தி".

ஆக மொத்தம் சமீபத்தில் பார்த்த சில நல்ல படங்களில் "போக்கிரி" ஐயும் சேர்த்துக்கொள்ளலாம் (புது விதமாக இருப்பதால்)

Saturday, February 03, 2007

வலைவலம்

Mac வைத்து வாழ்வாரே வாழ்வார் மற்றெல்லாம்
windows update செய்தே நோவார்.



முதற்கண் நன்றி நவில வேண்டும்.

இந்த பதிவை உயிருடன் வைத்திருக்கும் பரதேசியாரே! உமக்கு ஆயிரம் பொற்... கும்பிடு...

நம் வலைப்பதிவு பிரபலமாகிக் கொண்டிருக்கிறது என நினைக்கிறேன். சமீபத்தில் பரதேசியாரின் லொள்ளையும், கடுப்ஸையும் தமிழ்ப்பதிவுலக பிரபலங்களான துளசியும் பெங்களூர் செந்தழல் ரவியும் படித்து ரசித்திருக்கிறார்கள். துளசியக்கா நியூசிலாந்தில் தமிழ் வளர்க்கிறார்கள். அவரின் எவரிடே மனிதர்கள் தொடர் படிக்க வேண்டிய ஒன்று. செந்தழல் ரவி சென்ற ஆண்டு நட்சத்திர வலைப்பதிவர் பரிசு வாங்கியவர். சென்ற மாதத்தில் நம் பதிவுக்கு இங்கிருந்தெல்லாம் வருகை தந்திருக்கிறார்கள். வலது கோடியில் துளசி எட்டிப் பார்ப்பது தெரிகிறதா?




அதெல்லாம் சரி - நம் ஊரில் யார் படிக்கிறார்கள் என்று கேட்கிறீர்களா?

இதோ வந்து விட்டது தமிழில் யாஹூ. சினிமா, ஆரோக்கியம், ஆன்மீகம் என்று விகடன் கல்கி பாணியில் போகிறது. இதை பார்த்தவுடன், எம்பெருமான் கூகுளாண்டவர் ஞாபகம் வந்தது. அவர் என்ன செய்கிறார் என்று பார்த்தால், இந்தியப் பக்கத்தோடு நிற்கிறார். தமிழில் தேடலாம் இந்த தளத்தில். பழக்க தோஷத்தில் தமிழில் தேடினால், கிடைத்தது நானே! ஹி... ஹி...

அதெல்லாம் கிடக்கட்டும். இந்த கலாட்டாவைப் பாருங்கள். பண்ருட்டிக்காரர்களுக்கு கல்யாணத்தில் என்ன குறை வேண்டுமானாலும் இருக்கலாம். ஆனால் காலை டிபனுக்கு இட்லி இல்லைபென்றால் பெண்வீட்டுக்காரர்களாய் இருந்தாலும் பொங்கியெழுந்து விடுவோம். கடலூர்காரர்களுக்கு எச்சரிக்கை.

சென்னையில் புத்தகக் கண்காட்சி மிக கோலாகலமாக நடந்து முடிந்திருக்கிறது. இப்போது நிறைய ஊர்களில் புத்தகக் காட்சிகள் நடக்கின்றன. நல்ல கும்பலும் வருகிறது. மக்கள் புத்தகங்களும் நிறைய வாங்குகிறார்கள். வாஸ்து, ஆன்மீகம் மற்றும் கம்ப்யூட்டர் சம்பந்தப்பட்ட புத்தகங்கள் நிறைய விற்பதாக ஒரு நண்பனின் தகப்பனார் சொன்னார். துளசி கோபால் ரொம்பவே பாராட்டியிருக்கிறார். தமிழ் இனி அழியாது என்று. அவருக்கு அந்த சந்தேகம் ஏன் வந்தது என்று தெரியவில்லை. இத்தனை பேர் தமிழில் எழுதும்போது, நியூஸிலாந்தில் தமிழ் சொல்லிக் கொடுக்கும்போது, அது ஏன் அழிகிறது? கிழக்குப் பதிப்பகத்தை நடத்தும் பத்ரியின் பதிவிலும் ஒவ்வொரு நாளைப்பற்றியும் படிக்கலாம். நான் கடந்த ஆண்டுகளில் இரண்டு முறை நெய்வேலியில் இந்த புத்தகக் காட்சி போயிருக்கிறேன். புத்தகக் கடைகளுடன் மின்சாரத்தில் இயங்கும் பலவிதமா ராட்டினங்கள்(rides) எல்லாம் சேர்ந்து ஒரே அமர்க்களம்.ஒரு ராட்டினத்தில் உட்கார்ந்து ஒரு குட்டித் தூக்கம் போட்டு எழுந்து பார்த்தால் இன்னும் சுற்றிக் கொண்டிருந்தது. எங்க வீட்டு கரண்டா, உங்க வீட்டு கரண்டா?

சமீபத்தில் ஐரோப்பாவில் விஞ்ஞானிகள் கூடி உலகம் வெப்பமடைவதற்கு மனிதன்தான் காரணம் என்று கண்டுபிடித்திருக்கிறார்கள். எனக்கு ஒரே ஆச்சரியம். அதற்கு டைனோசார்கள்தான் காரணம் என்று இத்தனை நாள் நம்பிக் கொண்டிருந்தேன். டப்யு இது குறித்து என்ன நினைக்கிறார் என்று யாராவது கேட்டுச் சொன்னால் நல்லது.

'டூர் டி பிரான்ஸை' இவ்வளவு நாள் தன் ஹேண்டில்பாரில் வைத்திருந்த லேன்ஸ் ஆர்ம்ஸ்ட்ராங்க் புற்றுநோய் வந்து பிழைத்தவர் என்று நீங்கள் கேள்விப்பட்டிருக்கக் கூடும். இப்போது புற்றுநோயை குணமாக்கும் ஆராய்ச்சிக்கு வாஷிங்டனில் முக்கியத்துவம் கொடுப்பதற்காக ஒரு இயக்கத்தை ஆரம்பித்திருக்கிறார் லேன்ஸ். என்ன செய்யப்போகிறார் என்பது இன்னும் தெளிவாகவில்லை(எனக்கு). ஆனால் நம்மால் முடிந்த, பெயர் பதிவை செய்வோம். லிவ் ஸ்ட்ராங். Go Lance!(அதை தமிழில் எழுதினால் ஏனோ நன்றாக இல்லை)

விக்கி பசங்களின் பதிவும் அறிவை வளர்ப்பதில் அக்கறை கொண்டவர்கள் படிக்க வேண்டியது. நான் அந்த பக்கம் எல்லாம் போவதில்லை. நயன்தாரா சிம்பு விவகாரம் என்னாயிற்று என்று தெரிந்தாலே போதும். ஜென்ம சாபல்யம் அடைவேன்.

இந்தியாவில் காதலர்(வேலைண்டின்) தினம் இப்போதெல்லாம் கோலாகலமாக நடக்கிறது. இந்த சிவசேனையும் தமிழர் மரபுக்காவலர்களும் இந்த ஆண்டு என்ன செய்கிறார்கள் என்று பார்க்கலாம். எனக்கு கல்லூரி முடிக்கும் தறுவாயில்தான் அப்படி ஒரு தினம் இருக்கிறது என்று லேசாக தெரிந்தது. முதலில் யார் அந்த வேலண்ணன் என்று யோசித்துக் கொண்டிருந்தேன். சில ஆண்டுகளுக்கு முன்னால் ஸ்பென்ஸர் பிளாஸாவில் நடந்த போட்டிகளைப் பற்றி விகடனில் படித்து பெருமூச்சு விட்டுக் கொண்டேன். இப்படியெல்லாம் ஏன் நமக்கு நடக்கவில்லை என்று!

சரி இதெல்லாம் போகட்டும். பதினேழாம் தேதி மதியம் மூன்று மணிக்கு ஹிந்து மையத்துக்கு பொங்கல் விழா காண வந்து விடுங்கள். சென்ற முறை ஜால்ரா சரியாக அடிக்காததால், இந்த முறை அதற்குக்கூட யாரும் என்னைக் கூப்பிடவில்லை.

காணவில்லை: பித்தன், முரளி, ரமேஷ், எதிரொலி, தருமி, அஜாதசத்ரு, கவிநயா. கண்டுபிடித்து இப்பதிவுக்கு அழைத்து வருவோர்க்கு ஒரு பதிவு இனாம். அப்படியே இந்த இடது பக்கத்தில் அணிவகுக்கும் அமைதிப் படையினருக்கும் ஒரு சலாம். ஏனிந்த மௌனம் ஏனோ, ஏழை எமக்கருள?

Thursday, February 01, 2007

பிப்ரவரி மாத லொள்ளு மொழிகள்

என்ன தான் எட்டு பட்டிக்கும் எஜமானா இருந்தாலும்
முடி வெட்டிக்க தலை குனிஞ்சு தான் ஆகணும்

பொங்கலுக்கு கவர்மெண்டுல லீவு குடுப்பாங்க
ஆனா இட்லி தோசைக்கு லீவு குடுப்பாங்களா?