Sunday, March 25, 2018

பசியாறல்


அடிக்கடி என் மலேசிய நண்பர்களிடம் வாங்கிக்கட்டிக்கொள்வதே பிழைப்பாய் போய்விட்டது.

சில வருடங்களுக்கு முன் இங்கு வசித்துவந்த ஒரு மலேசியத் தமிழ்த் தம்பதிகள் ஒரு நிகழ்ச்சியில் கலந்து கொள்ள ரிச்மண்ட் வந்திருக்கிறார்கள். அவர்களுடன் உரையாடிக் கொண்டிருக்கும்போது நாளைக்கு பசியாறைக்கு என்ன பண்ணலாம் என்று கேட்டார்கள். அது என்ன பசியாறல் என்றேன். அங்கிருந்த அனைத்து மலேசியர்களும் என்னை ஆச்சரியமாகப் பார்த்து தெரியாதா - நாங்கள் காலைஉணவை பசியாறல் என்போம். பசி ஆறுதல் என்பதை சுருக்கமாக அப்படி சொல்வோம் என்றனர்.

இது breakfast என்பதனை அப்படியே தமிழாக்கம் செய்தது போல இருக்கிறதே என்றேன்.

நீங்கள் என்ன சொல்லுவீர்கள் என்று அந்த நண்பர் கேட்டார்.

நானும் தங்கமணியும் ஒரேகுரலில் சொன்னோம்.

டிபனு...

இப்போது  அந்த இருவரும்  கடும் வயிற்றுவலிக்காக  மருத்துவமனையில் சிகிச்சை பெற்று வருகிறார்கள்.

Saturday, March 24, 2018

பள்ளிக்கூடம்

ஆப்பிள் (Android) ஏந்தும் கையில் ஆயுதம் எதற்கு 

ஆடிப்பாடி மகிழ்ந்து
அன்பில் திழைத்து 
புத்தகங்களில் புதைந்து
நட்பைச் சுவைத்து
ஆனந்தத்தில் மூழ்கி
அனுபவிக்கும் வயதில்
தன்னயும் மாய்த்து
தன்னைப் போல் பலரையும் மாய்த்துக்
கனவுகளை கல்லறையில் புதைத்து
கண்ணீர்க் குருதி ஆறாய்ப் பாய 
மனதில் பயத்தோடு தினமும் ....


பள்ளிக்கு

Thursday, March 08, 2018

மகளிர் தின வாழ்த்து



எல்லையில்லாத் தொல்லைகளை 
வில்லைகளாக விழுங்கியும்
முல்லைகளாகச் சூடியும்
புன்னகையால் புறக்கணித்தும்
வெற்றி காணும்
பெண்களுக்கு

இனிய மகளிர் தின வாழ்த்துக்கள் 🎊😃