அஞ்சா நெஞ்சன் - அஞ்சன்!

ரிச்மண்டில் வாழும் வாணி, பவனிராம் கௌஷிக் தம்பதியினரின் மகன் அஞ்சன் கௌஷிக்  மார்ச் 2009ல் லூகேமியா, லிம்ஃபோமா சொசைட்டிக்கு நிதி திரட்டுவதற்காக வர்ஜினியா பீச் நகரில் நடக்கவிருக்கும் ஷாம்ராக் அரை மராத்தனில் கலந்து கொள்ளவிருக்கிறான்.

லுகேமியாவுடன் போராடும் தங்கைக்காக நிதி திரட்டாமல் அந்த நோயை எதிர்க்க இந்த நிதித்திரட்டலில் ஈடுபட்டிருக்கும் அவன் மனதிடம் என்னை வியக்க வைக்கிறது. அவனுக்கு இருக்கும் உறுதியில் சற்றாவது நமக்கும் தொற்றிக்கொள்ள உங்கள் அனைவரையும் அழைக்கிறேன் இதில் ஈடுகொள்ள. அஞ்சனுக்கு உங்கள் ஆதரவைத் தெரிவிக்க விரும்பினால், உடனே விரையுங்கள் இந்தத் தளத்திற்கு => http://www.tinyurl.com/anjank 

ஷார்லட்வில்லில் மருத்துவம் படிக்கும் அஞ்சனின்  இந்த அரிய சேவைக்கு எங்கள் வாழ்த்துக்கள்.

நீங்கள் இதுவரை எலும்பு மஞ்சை தானத்திற்கு பதிந்திராவிட்டால், உங்களுக்கு கூடிய விரைவில் ஒரு சந்தர்ப்பம். ஜனவரி 18ல் ரிச்மண்ட் ஹிந்து சென்டரில் நடக்கவிருக்கும் லட்சார்ச்சனையின் போது மாடியில் இலவச எலும்பு மஞ்சை பதிவு முகாம் நடக்கவிருக்கிறது.  மேல் விவரங்கள் இங்கே.

புரதம் மடிக்கலாம் வாங்க...

ஸ்டான்ஃபோர்ட் பல்கலைக்கழகத்தில் புரதம் மடிக்கப்படுவதை ஆராய்ச்சி செய்து வருகிறார்கள். புரதம் எவ்வாறு மடிக்கப்படுகிறது என்பதை அறிந்தால் அல்ஸைமர் மற்றும் பல வகையான புற்று நோய்களின் சூட்சுமங்கள் தெரியலாம். இந்த ஆராய்ச்சியில் நீங்களும் உதவலாம். உங்கள் கணினி சும்மா உட்கார்ந்திருக்கும் நேரத்தில் அதில் புரதம் மடிக்கும் மென்பொருளை ஓட்டலாம். டிஸ்ட்ரிப்யூட்டட் ப்ராஸஸிங் மூலம் உலகில் பல கணினிகளில் அந்த ஆராய்ச்சியை நடத்துகிறார்கள். அதில் பங்கு கொண்டு சதமடித்திருக்கிறேன். And I have a certificate to prove it! :-)

நீங்களும் உங்கள் கணினியிலும், சக தொழிலாளி ஏமாந்த நேரம் அவர்கள் கணினியிலும் இதை நிறுவி உதவலாம்!

மேல் விவரங்களுக்கு இங்கே செல்லவும்!

Swim For Life

SATURDAY, JUNE 28

Time: 6:00PM -7:30PM

Where:

Tuckahoe Family YMCA
9211 Patterson Avenue
Richmond, Virginia 23229
Phone (804) 740-9622

A fundraiser to benefit the children at

ST. JUDE CHILDREN HOSPITAL

C

ome and help raise money to fight childhood cancer

Anyone can come and swim

There will be snacks available for purchase; all proceeds go directly to St. Jude

Swim, Cheer, Eat, and Enjoy

Contact Apurva Pande for more information

Phone : (804) 364-1771 Email: apurva.pande at yahoo daat com

எது பெரிது

எந்த ஊனில் எந்தப் புற்றோ?

இந்தப் புற்றுநோயின் கொடுமை பெரிதா?

இத்தீங்கு வந்தவரின் துயரம் பெரிதா?

இந்நோயை வெல்ல முயன்ற பெவினின் உறுதி பெரிதா?

அவனுக்கு துணை நின்ற நண்பர்களின் நட்பு பெரிதா?

பலர் கண்களைத் திறந்த வினய்யின், சமீரின் சாதனை பெரிதா?

எட்டு வயது ஆதித்யாவை இழந்த பெற்றோரின் சோகம் பெரிதா?

எட்டு மாதம்கூட நிரம்பாமல் சென்ற பிரனவின் இழப்பு பெரிதா?

சிகிச்சை பெற்றுவரும் தாயைப் பிரிந்த இரு சிறார்களின் தவிப்பு பெரிதா?

மருத்துவமனையிலேயே குடியிருக்கும் இவர்தம் குடும்பத்தின் பொறுமை பெரிதா?

தந்தை தன்கூட ஏன் விளையாடவில்லை என்ற இரண்டு வயதின் குழப்பம் பெரிதா?

உடல்வலியை மீறி குழந்தையுடன் விளையாடும் தந்தையின் மன உறுதி பெரிதா?

குழந்தைகளுடனும் மருத்துவமனைக்கும் அல்லாடும் மனைவியின் மனதிடம் பெரிதா?

மகன் படும் இன்னலை பார்க்கும் வயதான தந்தையின் சகிப்பு பெரிதா?

இவர்க்கு உதவ முடியாமல் தவிக்கும் உற்றாரின் இயலாமை பெரிதா?

இந்நோயின் தீவிரம் உணரா மக்களின் உதாசீனம் பெரிதா?

இவர்க்கு பொருத்தம் தேட உழைக்கும் நண்பர் உழைப்பு பெரிதா?

பொருத்தம் கிடைத்தவுடன் அனைவரும் அடையும் மகிழ்ச்சி பெரிதா?

பொருள் வழங்கும் அறிமுகமற்ற மக்கள் மனித நேயம் பெரிதா?

இந்நோயை வெல்ல முயலும் ஆர்ம்ஸ்ட்ராங்கின் முயற்சி பெரிதா?

எண்ணற்ற மருத்துவர்களின் ஆராய்ச்சி பெரிதா?

இவ்வனைத்தையும்விட பெரிதாக வேண்டும்

இதன் தீர்வு கண்டுபிடிக்க நம் வைராக்யம்.