வாழ்க்கை

அழுது பிறந்து சிரித்து வளர்ந்து
உண்டு உறங்கி தவழ்ந்து நடந்து
தாவி ஓடி பேசிப் பழகி
எழுதிப் படித்து கல்வியில் சிக்கி
சிந்தித்து அறிந்து கருத்தில் சிறந்து
அறிவை வளர்த்து அழகை ரசித்து
காதலை வியந்து வாலிபம் எட்டி
தொழிலில் முனைந்து பொருளை ஈட்டி
துணையைத் தேடி இல்லறம் புகுந்து
காமம் தொழுது காலம் தொலைத்து
பெற்றோர் மறந்து பிள்ளைகள் வளர்த்து
பாதை மாறாது அவர்களும் வளர்ந்து
ஆளாகி நிற்கப் பார்த்து மகிழ்ந்து
வாழ்ந்து நொந்து நோயில் விழுந்து
வாடி வதங்கி அடுத்தவர் அழ
அடங்கும் உயிரை நம்பிய வாழ்க்கை