Showing posts with label டென்னிஸ். Show all posts
Showing posts with label டென்னிஸ். Show all posts

Monday, June 18, 2012

வர்ஜினியா டென்னிஸ் சாம்பியன்


ரிச்மண்ட் தமிழ்ச் சங்க  சிறுவன் ஒருவன் இந்த வருடம் டென்னிஸில் சாதனை படைத்திருக்கிறான். கடந்த ஜூன் 10-ம் தேதி  நடைபெற்ற வர்ஜினியா மாநில உயர்நிலைப் பள்ளி டென்னிஸ் இறுதிப் போட்டியில் இரட்டையர் ஆட்டத்தில் வெற்றி பெற்றிருக்கிறான் பரணி சங்கர். நமது சங்க உறுப்பினரான பிருந்தா, சங்கர் தம்பதிகளின் மூத்தப் புதல்வன் பரணி சங்கருக்கு மாநில இறுதிப் போட்டி ஒன்றும் புதிதல்ல. சில ஆண்டுகளுக்கு முன் தமிழ் சங்க போட்டி என்று எண்ணுமளவு இரட்டையர் இறுதிப் போட்டியில் நமது சிறுவர்கள் மூவர் ஆடியதை பற்றி இங்கே படிக்கலாம். அந்தப் போட்டியில் இழந்த கோப்பையை இந்த ஆண்டு வெற்றிகரமாக கைப்பற்றியிருக்கிறான் பரணி.

டீப் ரன் பள்ளி இரட்டையர் போட்டியில் வெற்றி வாகை சூடிய செய்தியை இந்தத் தளத்திலும், டீப் ரன் பள்ளியின் தளத்திலும் படிக்கலாம்.

மே மாதத்தில் ரிச்மண்ட் டைம்ஸ் டிஸ்பாட்ச் செய்தித்தாளின் 'இந்த வார சிறந்த விளையாட்டு வீரன்' பரணி சொல்வதை நீங்களே கேளுங்கள்.


இந்த ஆண்டு கல்லூரி செல்லும் பரணிக்கு மேன்மேலும் வெற்றிகளைக் குவிக்க எங்கள் வாழ்த்துக்கள்!

Friday, June 05, 2009

கில்லாடி பசங்க...

இந்த டென்னிஸ் போட்டியின் முடிவைப் பாருங்க...

Doubles: Arjun Karthikeyan-David Caravati (MG) d. Jayanth Shekhar-Barani Sankar 6-4, 6-0.

பார்த்தவுடன் தோணிச்சி இப்ப வர வர தமிழ்ச் சங்க டென்னிஸ் போட்டிங்கள்ள மத்தவங்களும் விளையாடறாங்கன்னு...  இது எந்தப் போட்டின்னு சொல்லுங்க பாக்கலாம்?

டட்டடாய்ங்........


வர்ஜினியா மாநில உயர்நிலைப்பள்ளி டென்னிஸ் பந்தயம்!  இறுதிப் போட்டியில் மோதியது நம்ம பேட்டையில் இருக்கும் மில்ஸ் காட்வின் உயர்நிலைப் பள்ளியும், டீப் ரன் உயர்நிலைப் பள்ளியும். அதில் இரட்டையர் குழுவில் எல்லாம் நம்ம தமிழ்ச் சங்கப் பசங்கதான். மாநில இறுதிப் போட்டியில் கலந்து கொண்ட அர்ஜுன் கார்த்திகேயன், ஜெயந்த் சேகர் மற்றும் பரணி சங்கர் அனைவருக்கும் தமிழ்ச் சங்கத்தின் சார்பாக வாழ்த்துக்கள். வெற்றிவாகை சூடிய அர்ஜுனுக்கு ஒரு ஷொட்டு!


 செய்தித்தாளில் வந்ததை இங்கே படிக்கலாம்!

Monday, March 03, 2008

ஷ்யாம்!

பரதேசியாரே - அமெரிக்கர்களும் மற்றவர்களும் நம்ப ஊரில் சேலை கட்டுவது இருக்கட்டும். இங்க நம்ப சங்கத்து குடும்பத்தைச் சேர்ந்த ஒரு பையன் எல்லோருக்கும் சாந்து பொட்டும், சந்தனப் பொட்டும் வைக்கிறானே, கவனித்தீர்களா? வெங்கட், வித்யா தம்பதியினரின் இளைய குட்டி ஷ்யாம் பற்றித்தான் சொல்கிறேன். நம் ஊர் செய்தித்தாளில் வந்த இந்த செய்தியைப் பாருங்கள்.

நான் அடுத்த முறை ஷ்யாமைப் பார்க்கும்போது ஒரு ஆட்டோகிராப் வாங்கி வைத்துக்கொள்ளப் போகிறேன். சின்ன வயதிலிருந்தே டென்னிஸ் மட்டையும் கையுமாக இருந்த ஷ்யாம் இப்போது டென்னிஸ் கோர்ட்டில் 'சும்மா அதிருதுல்ல..'ன்னு சொல்லாமல் சொல்கிறான். இவன் பெயரை சொல்வது கஷ்டமா, இவன் கூட விளையாடுவது கஷ்டமா என்று எல்லோரும் விழிக்கப் போகிறார்கள். மேலும், மேலும் டென்னிஸ் உலகில் உயர எங்கள் வாழ்த்துக்கள்.
அது எல்லாம் இருக்கட்டும். வெங்கட் அவர்களே - செய்தித்தாளில் போட்டிருக்கிறதே அது யார் மீனா? :-)

டென்னிஸோ டென்னிஸ்


எல்லாம் இந்த ஸானியா மிர்ஸாவினால வந்த வினை - புடவையோடு தான் டென்னிஸ் ஆடணும்னு ரூல் போட்டுவிட்டாங்க. என்ன பண்றது?

Tuesday, September 11, 2007

கோப்பையிலே உன் குடியிருப்பு - ரோஜர் ஃபெடெரர்

வணக்கம் நண்பர்களே.

சமீபத்தில் US Open வென்ற நாயகன் Roger Federer பற்றி எழுத வேண்டும் என்று, அவர் வென்றதிலிருந்து என் மனதுள் ஒரே போட்டி ... அதன் விளைவாய் எழுதிய கவிதை இங்கே. கவிதையைப் பற்றி உங்கள் எண்ணங்களை மறவாமல் தெரிவியுங்கள்.

http://vazhakkampol.blogspot.com/2007/09/blog-post.html